15 Qershor, 2024
Tirana, Albania
Kryesore Lajme nga vendi

Balfin i Samir Manes do të investojë 40 milionë euro në Kanada

Grupi shqiptar Balfin tha se do të investojë 40 milionë euro (43 milionë dollarë) në një projekt rezidencial në Vankuver, investimi i parë i grupit në pasuri të paluajtshme në Kanada.

Projekti, i udhëhequr nga divizioni i pasurive të paluajtshme të Balfin Group, është një investim me 27 njësi në qytetin e zhurmshëm portual, që gjendet në provincën e British Columbias, një nga tregjet më dinamike të pasurive të paluajtshme në Amerikën e Veriut, tha Balfin në një deklaratë për shtyp javën e kaluar.

“Disa projekte të tjera në rajon janë në fazën e planifikimit dhe pritet të nisin në 18 muajt e ardhshëm”, njoftoi Balfin.

Grupi Balfin filloi aktivitetet e tij të pronave të paluajtshme në vitin 2003 në Shqipëri, duke u zgjeruar më pas në tregjet e Maqedonisë së Veriut, Austrisë dhe që nga viti 2023, SHBA-së, sipas njoftimit për shtyp.

Me interesa të larmishme në sektorë të tillë si pasuritë e paluajtshme, shitja me shumicë dhe pakicë, banka, turizëm, energji, logjistikë dhe arsim, Balfin tani operon në 11 vende dhe punëson rreth 5 mijë punonjës.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *