25 Qershor, 2024
Tirana, Albania
Kryesore Lajme nga vendi

BSH miraton rregulloren e re për t’u anëtarësuar në sistemin europian të pagesave

Banka Qendrore e Shqipërisë tha se ka miratuar një rregullore të re për transfertat e kredisë dhe debitimin direkt në euro, në përputhje me standardet e përcaktuara nga Zona e Vetme e Pagesave në Euro (SEPA).

“Anëtarësimi në SEPA është një objektiv i Bankës së Shqipërisë për të nxitur modernizimin e sistemeve të pagesave dhe integrimin e tyre me tregjet evropiane, si dhe me vendet e Ballkanit Perëndimor”, njoftoi BSH .

Rregullorja e re vendos një kuadër me kërkesat për transaksionet ndërmjet ofruesve shqiptarë të shërbimeve të pagesave dhe ofruesve të tjerë në zonën SEPA, tha banka qendrore.

Shqipëria do të jetë në gjendje të paraqesë kërkesën e saj për t’u bashkuar me SEPA deri në qershor, tha muajin e kaluar zëvendësguvernatorja e Bankës Qendrore të vendit, Luljeta Minxhozi. Anëtarësimi në zonën e pagesave pritet të ulë kostot e transaksionit për Shqipërinë dhe pesë vende të tjera të Ballkanit Perëndimor, të cilat gjithashtu synojnë të aplikojnë së shpejti.

Guvernatori i bankës qendrore Gent Sejko tha më herët në mars se transpozimi rregullator i SEPA në kuadrin rregullator shqiptar është në një fazë të avancuar dhe vendi ishte “pothuajse gati” për t’u bashkuar me këtë zonë.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *