12 Prill, 2024
Tirana, Albania
Kryesore Lajme nga vendi

Hekurudha Vorë-Hani i Hotit/ Nënshkruhet marrëveshja me Bankën Evropiane të Investimeve

Zëvendëskryeministrja e vendit njëherësh edhe ministrja e Infrastrukturës dhe Energjisë, Belinda Balluku njoftoi sot nënshkrimin e marrëveshjes me Bankën Europiane të Investimeve, në lidhje me projektin e ndërtimit të linjës hekurudhore Vorë-Hani i Hotit.

“Një linjë me gjatësi 120 kilometra, me rëndësi jo vetëm për Shqipërinë, por edhe rajonin, i cili do të lehtësojë lëvizjen e qytetarëve, por edhe të mallrave,” theksoi ministrja.

Balluku theksoi se pas segmentit Tiranë-Durrës me degëzim në Rinas, Vorë-Hani i Hotit është projekti i dytë madhor i Qeverisë Shqiptare në transportin hekurudhor.

“BEI mbetet një nga partnerët tanë më të rëndësishëm për jetësimin e disa projekteve strategjike të infrastrukturës rrugore e hekurudhore”, u shpreh ajo.

Hekurudha Vorë-Hani i Hotit pritet të përfundojë në viti 2029. Ajo do të kushtojë 356 milionë euro dhe vlerësohet se do të transportojë rreth 2.3 milionë pasagjerë në vit. 

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *