Nga Kapitali
Përmbledhtazi 4 elementë ka paqja fiskale e propozuar nga socialistët :
1) cdo 10 vjet pastrojmë rregjistrat!
Nje pastrim i tillë është berë në vitet 2016-2017. Do të fshihen të gjitha detyrimet interesat e kamatvonesat e bizneseve që janë më të vjetra se 10 vjet, ndryshe quhet pastrim i regjistrave tatimore nga detyrime qe janë parashkruar edhe nuk mund të mblidhen .
2) Të mblidhet çfarë të mundim nga detyrimet e prapambetura 5-10 vjecare!
Falen të gjithë kamatvonesat e gjobat e marra ndërmjet 5 -10 vitet e fundit per bizneset që do të vendosin që të paguajnë detyrimin. Nëse vendosin ta paguajnë njëherazi gjithë detyrimin do t’i falet edhe 50% e detyrimit. Kush nuk e paguan dot me një këst mund ta paguajë në 12 muaj dhe t’i falet 25% e detyrimit”. Nuk përfshihen ketu detyrimet për sigurimet shoqerore.
Asgje e re edhe edhe në ketë front. Praktikë e oftruar në 2011 edhe 2017.
3) Rishikimi i deklaratave te mëparshme të tatim fitimit.
U jepet e drejta bizneseve që të rishikojnë deklaratat taimore për 5 vjet e fundit pa gjoba e kamatvonesa (legjislacioni aktual e lejon për 3 vjet) por duke paguar tatim fitimi prej 5% për çdo diferencë fitimi qe krijohet nga rishikimi.
4) risia ose qershia mbi tortë eshte jetëzimi ne një forme tjetër i amnistisë fiskale dhe penale të diskutuar që prej vitit 2020 dhe aq shumë e kundështuar nga Bashkimi Europian, por që me sa duket qeveria e ka të pa mundur të heq dorë.
Për ta shpjeguar thjesht po marr një shembull nga sektori më i zhvilluar 4 vitet e fundit ndërtimi.
Le te supozojmë që një kompani ndërtimi ka realizuar 3 vitet e fundit një fitim mesatar vjetor 100 milionë lekë. Kompanisë do t’i ofrohet një marrëveshje me tatimet ku do të dakortësohet se kompania do të paguajë 15% tatim fitimi për shumën 100 milionë (1+ rritjen e sektorit), le te themi 106 milionë lek.
Për cdo lek shtesë te deklaruar mbi këtë shumë ai do të tatohet 5%. Deri ketë kemi nje tatim te shkallëzuar regresiv, i cili nuk haset shpesh në praktikat e taksimit të fitimit korporativ.
Por “kleçka” nuk qëndron këtu, por tek fakti që biznesi do të jetë njëkohësisht i përjashtuar për këto tre vjet nga kontrollet tatimore. Përjashtimi nga kontrollet është defakto një përjashtim nga zbatimi i procedurave tatimore.
Ndaj brenda tre viteve e ardhshme 2026, 2027, 2028, kompanitë e resorteve edhe kullave kanë mundësi të përshpejtojnë deklarimin e të ardhurave nga shitjet e objekteve ekzistuese edhe ato në proces ndërtimi dhe të tatohen 5 %.
Ato mund të kryejnë edhe trasaksione në para kesh duke tejkaluar shumat e lejuara nga Ligji i Procedurave Tatimore, pasi nuk kanë më asnjë risk për t’u gjobitur apo ndjekur penalisht.
Për më tepër edhe me përfundimin e tre vjecarit, pra cdo kontroll i ushtruar gjate 2029 apo 2030 do te përjashtojë kontrollin e aktivitetit te kompanisë për periudhën e “paqes fiskale”
Duhet pranuar se mendja që e ka hartuar ketë skemë nuk është e paditur. Kjo është një mënyrë elegante, për të ligjëruar, mundësuar dhe amnistuar lëvizjen e parasë kesh në qarkullim, hyrjen e kapitalit në monedhë të huaj jashtë kanaleve bankare, pa përdorur fjalën aq shumë të kontestuar amnisti, por duke e pagëzuar atë me emrin e ri “Paqe”.
Por pavarësisht “emrit ” te përdorur kjo paketë tregon se qeveria socialiste gjendet në atë që ekonomistët e quajnë “kurthi i ideve”, ku idetë e këqija çojnë në politika të këqija, politikat e këqija çojnë në rritje te keqe dhe rritja e keqe çcimenton idetë e këqija.
Ekonomia fluskë duhet të vazhdojë të fluturojë edhe qeveria nuk ka zgjedhje tjetër, por të bej “çfarëdo që të duhet” për ta mbajtur atë në levizje.
