25 Qershor, 2024
Tirana, Albania
Kryesore

Në Shqipëri nuk ka më as shoferë/ Transporti publik në krizë, kërkohen 500 shoferë

Shërbimi i transportit publik në të gjithë vendin kërkon 500 drejtues autobusësh.

Largimi i fuqisë punëtore ka bërë që të rritet nevoja për shoferë, ku në total sipas kodit të punës me orare dhe pushime, duhen mbi 1000 drejtues të kategorive të ndryshme për 250 kompani trnasporti qytetase e ndërqytetase.

Kryetari i Shoqatës së Transportit Publik, Dashnor Mema ka thënë për SCAN TV se është zgjatur orari i punës së drejtuesve aktualë si zgjidhje provizore, por ndërkohë është rritur dhe mosha mesatare e pranimit të shoferëve në 50 vjeç.

Sfidë për 2024 sipas kreut të Shërbimit të Transportit Publik Mema, është infrastruktura.

Aktualisht po shtohet flota e mjeteve hibridë, ndërkohë sipas tij pritet shumë shpejt të aplikohet edhe bileta elektronike.

Scan.tv

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *