14 Qershor, 2024
Tirana, Albania
Kryesore Lajme nga vendi

Reagon ONE: Shërbimet tona të paprekura dhe në funksion të plotë

Kompania ONE Albania ka reaguar pas sulmit kibernetik nga grupi i hackerave i njohur si Homeland Justice. Përmes një deklarate zyrtare, ONE tha se shërbimet e saj kanë qenë të pandikuara nga sulmi dhe kanë funksionuar normalisht gjatë gjithë ditës, ndërkohë që ekipet teknike po punojnë për të garantuar sigurinë e të dhënave.

Deklarata e plotë e ONE
Ekipet tona të sigurisë kibernetike kanë zbuluar dhe po trajtojnë në mënyrë aktive një incident të sigurisë kibernetike ndodhur së fundmi.

Pavarësisht këtij sulmi, shërbimet e One Albania kanë qenë të pandikuara dhe kanë funksionuar normalisht gjatë gjithë ditës, duke përfshirë shërbimet për klientët si celular, fiks dhe IPTV.

Ekipet tona teknike po punojnë me kapacitet të plotë dhe në bashkëpunim të ngushtë me institucionet shtetërore AKEP dhe AKCESK për të siguruar që shërbimet dhe të dhënat të mbeten plotësisht të sigurta.

Ne kemi marrë hapa të menjëhershëm për të përforcuar masat e sigurisë, duke përdorur ekspertizën dhe praktikat më të mira ndërkombëtare. Ne mbetemi të përkushtuar për ruajtjen e transparencës dhe vlerësojmë mirëkuptimin dhe mbështetjen tuaj.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *