16 Korrik, 2024
Tirana, Albania
Lajme nga vendi

BERZH, 12 milionë euro për të garantuar kreditë e SME-ve që investojnë në turizëm

Banka Evropiane për Rindërtim dhe Zhvillim do të marrë përsipër një pjesë të riskut të kredisë që Banka Raiffeisen jep për kompanitë bujqësore dhe ato të turizmit në Shqipëri. Për këtë qëllim Berzh i ofroi Raiffeisenit një fond 12 milionë euro, i cili do të përdoret për të garantuar kreditë që Raiffeisen jep për ndërmarrjet e vogla dhe të mesme, që investojnë në bujqësi dhe turizëm.

Fondi është lëvruan në kuadër të Ndihmës për Mbështetjen e Agrobiznesit dhe Turizmit në Shqipëri (AATSF). AATSF është një program unik i krijuar për Shqipërinë për të mbështetur dy sektorë vitalë, por të nënfinancuar të ekonomisë së vendit.

Ai synon të përmirësojë aksesin në financa për ndërmarrjet dhe korporatat e vogla dhe të mesme në bashkëpunim me bankat tregtare në Shqipëri. AATSF përfshin gjithashtu një stimul investimi prej 10 për qind të drejtuar për nën-huamarrësit në sektorët e agrobiznesit dhe turizmit, të financuar nga qeveria e Shqipërisë dhe BE, përkatësisht.

Ky mjet për ndarjen e rrezikut është një ndryshim i një marrëveshjeje tashmë të vendosur me Raiffeisen Bank Albania për sektorin e agrobiznesit të nënshkruar në vitin 2019 me një portofol deri në 35 milionë euro. Marrëveshja është zgjeruar edhe për të përfshirë sektorin e turizmit, një burim i vlefshëm të ardhurash për vendin.

Që nga viti 2016, kur u lançua AASF, janë dhënë më shumë se 110 milionë euro kredi, duke përfituar më shumë se 6200 SME-të vendase të agrobiznesit. Kohët e fundit, objekti u zgjerua për të përfshirë SME-të turistike.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *