Një marrëveshje që lejon Italinë të ndërtojë kampe pritjeje në Shqipëri për mijëra emigrantë detarë nuk shkel ligjin e Bashkimit Evropian, i cili nuk është i zbatueshëm në këtë rast, tha të mërkurën zyrtarja më i lartë e emigracionit tw bllokut.
Skema, e shpallur javën e kaluar, ka tërhequr kritika nga grupet e të drejtave të njeriut dhe ka ngjallur krahasime me planin e qeverisë britanike për të dërguar azilkërkues në Ruandë, të gjykuar të paligjshëm nga Gjykata e Lartë e Britanisë.
“Vlerësimi paraprak nga shërbimi ynë ligjor është se kjo nuk është në kundërshtim me ligjin e BE-së, është jashtë ligjit të BE-së”, tha Komisionerja e BE-së për migracionin Ylva Johansson për marrëveshjen Itali-Shqipëri në një konferencë për shtyp në Bruksel.
Vërejtjet e saj sugjeruan se skema nuk mund të kundërshtohej përpara Gjykatës së Drejtësisë së BE-së.
Italia po planifikon të hapë dy objekte në Shqipëri pranverën e ardhshme, një për të kontrolluar emigrantët në momentin e mbërritjes dhe një të dytë për t’i ndaluar ata gjatë shqyrtimit të kërkesave për azil dhe shpreson se ata mund të përpunojnë deri në 3000 raste në muaj.
Kampet do të funksionojnë nën juridiksionin italian, me staf italian, por në territorin shqiptar. Është e paqartë se si do të funksiononte në praktikë, pasi nuk ka precedent për një marrëveshje të tillë.
Johansson tha se “ligji i BE-së nuk është i zbatueshëm jashtë territorit të BE-së, por ligji italian është”, por ajo nuk sqaroi se si kjo përputhet me detyrimet e Italisë si anëtare e BE-së.
